Ramatloka Warta Sunda
Literasi Digital, Budaya dan Kewargaan

Rekor Muri Liwet Santri Peupeus di Tasikmalaya

Ngaliwet lain perkara nu bangga keur para santri mah. Cohagna, geus jadi kacapangan sapopoé.

Tapi béda caritana, lamun rébuan santri ngaliwet babarengan di wewengkon Kantor Bupati Tasikmalaya, Saptu (20/10/2018).

Munasabah lamun Museum Rekor Indonesia (Muri) ogé ngahagalkeun datang. Manajer Muri, Triyono nétélakeun, saméméh kasilih ku Tasik, rékor Muri dicangking ku Bandung Barat, jumlahna 2.100 kastrol.

Panitia nyadiakeun 3000 kastrol

“Rékor heubeul peupeus di Tasik. Jumlah kastrol nepi ka 2.413,” pokna. Layang pangajén rékor Muri ditarima ku Wakil Bupati, H. Adé Sugianto.

Ngaliwet massal nu digelar di Kabupatén Tasikmalaya salah sahiji runtuyan acara miéling Poé Santri Nasional. Puncakna lumangsung Senén (22/10/2018).

Mairan