Ramatloka Warta Sunda
Literasi Digital, Budaya dan Kewargaan

Peuyeum Kuningan 1000 Méter

MÉRÉBÉJA – Peuyeum ketan Kuningan hamo bireuk deui. Museum Rekor Dunia Indonésia (Muri) ogé ngahagalkeun datang. Ngaréngkolkeun rékor anyar peuyeum ketan 1000 méter di Pendopo Kuningan, Ahad (2/9/2018).

Milangkala ka-520 Kabupatén Kuningan jadi catur. Warga ngabrul nyaksian peuyeum nu dijajarkeun ti bunderan Cijoho nepi ka taman kota. Reueus alatan peuyeum kaolahan Kuningan kalandep ku balaréa. Oléh-oléh kulinér nu geus jadi kacapangan.

Peuyeum ketan dina raraga babarit Kabupatén Kuningan.

Biasana sok diwadahan kana émbér pelastik hideung. Eusina 100 bungkus. Aya nu dibulen ku daun katuk, aya ogé nu ku daun jambu. Sakapeung mah dipincuk ku daun cau, diluyukeun jeung kapereluan.

Wilujeng milangkala Kabupaten Kuningan. Rahayu sapapanjangna.