Ramatloka Warta Sunda
Literasi Digital, Budaya dan Kewargaan

Persib ka Pangandaran, Milangkala ka-25 Viking

MÉRÉBÉJA – Persib baris datang ka Pangandaran, 1-2 September 2018. Para pamaén Maung Bandung ngilu ngareuah-reuah milangkala ka-25 Viking, bobotoh satia.

Ranggeuyan acara lian ti tepung lawung Persib jeung bobotoh, dieuyeuban ku pawéy Viking, kémah, jeung konsér musik. Ditéma ku beberesih basisir Pangandaran.

Grup musik kawentar PAS Band bakal makalangan ngahibur bobotoh. Dibarengan ku Rosemary katut Don Lego. Cop pisan jeung suasana tepung lawung nu haneuteun. Dipuseurkeun di basisir wétan tabuh 09.00 WIB.