Ramatloka Warta Sunda
Literasi Digital, Budaya dan Kewargaan

Ngaderes Babad Cirebon

MÉRÉBÉJA – Waktuna geus maneuh tiap taun. Unggal tanggal 1 Muharam. Waktu milangkalana Kota Cirebon. Babad Cirebon dideres deui. Minangka pangéling-ngéling mangsa lawas. Lalampahan karuhun urang Cirebon, nu ngageugeuh karaton.

Taun ieu gé teu lali. Buruan Karaton Kanoman di Kacamatan Lemahwungkuk, heurin ku warga. Atuh da sasat ti mamana tumplek kabéh ka dinya. Niat seja aub dina riungan nu ngaderes. Padahal ngan saukur bisa semet ngareungeukeun.

Mimiti jul-jolna téh bada Magrib. Malem Kemis (12/9). Bari jadwal ngaderesna sorangan mah jam 20.00. Totondén mun masarakat mikahaat sajarah ngadegna Karajaan Cirebon.

Wakil Gubernur Jawa Barat, Uu Ruzhanul Ulum, katangén ngiring ngaluuhan. Disarengan ku Pajabat Wali Kota Cirebon, Dedi Taufik; Sekda Kota Cirebon, Asep Dedi; Ketua Panitia HUT ke-649 Kota Cirebon, Abdullah Syukur.

Mairan