Ramatloka Warta Sunda
Literasi Digital, Budaya dan Kewargaan

ILC Bolay, Mahfud MD Ngasuh Incu

MÉRÉBÉJA – Gunem catur Indonesian Lawyer Club (ILC) bolay, Salasa (28/8/2018). Prof. Mahfud MD salahsaurang nu kapeto jadi panyatur. Alatan ILC bedo, antukna ngasuh incu.

“Kuring geus manco (stand by) di imah (Yogya), telewicara ngajawab kabéh panalék dina ILC TV One. Éh ILC peuting ayeuna bedo, teu jadi. Antukna kuring ganti acara, ngawangkong jeung incu. Leuwih asik,” pokna dina Twitter.

Mahfud MD katut garwana, sempet ngalanto ka Resto Gulai Kepala Ikan Bank Jo, Jetis Yogya. “Pédo!” pokna.

Tadina Mahfud MD geus tatahar rék telewicara ngeunaan kamekaran aspirasi mutahir nu haneut antara #2019GantiPresiden jeung #Jojowi2Periode.

“Maunya sy bedah tuntas aspek hukum dan politiknya lewat ILC tapi acaranya batal, ya, sudah,” cék Mahfud.

Perkara tudingan persekusi tokoh gerakan #2019GantiPresiden keur jadi catur. Masarakat ngajorag DPR RI nepikeun aspirasi ngahulag, ditarima ku Pimpinan DPR tadi beurang.