Ramatloka Warta Sunda
Literasi Digital, Budaya dan Kewargaan

Simpay Gay Mahabu

Aya istilah Lelaki Séks Lelaki (LSL), keur haneut di Garut. Ku Wakil Bupati Garut, Helmi Budiman ogé dienyakeun.

Komisi Penanggulangan Aids (KPA) Kabupatén Garut, kungsi maluruh taun 2015 waé aya kana 3.300 urangna. Kiwari bisa jadi nambahan.

“Éta ogé nu didata téh di wewengkon kota wungkul,” ceuk nu ngokolakeun program di KPA Garut, Guntur Yana Hidayat, Ahad (7/10/2018).

Wakil Bupati, Helmi Budiman ngarasa prihatin. Kaayaan kitu geus jadi kacapangan dina internét. Anggota dina grup Facebook leuwih ti 2.500 urang. Teu kabéh urang Garut, aya ogé urang luar.

“Data nu kapaluruh aya kana 3.000 urangna. Poténsi sumebarna bisa nepi ka 12.000 urang,” pokna ka wartawan, Senén (8/10/2018).

Helmi nandeskeun kondisi kitu téh kudu diungkulan babarengan. “Teu bisa ku pamaréntah wungkul, tapi sakabéh pihak kudu paheuyeuk-heuyeuk leungeun,” ceuk Hélmi.

Mairan