Ramatloka Warta Sunda
Literasi Digital, Budaya dan Kewargaan

Béntang Manchester City Ngirim Kaos ka Budak Korban Sunami Palu

Basa lini narajang, Jumaah 28 Séptémber nu kaliwat, Rizky, budak umur 12 taun keur lalajo méngbal di warnét. Siaran ulangan Liga Inggris, Manchester City kameumeutna.

“Abdi resep ka Riyad Mahréz, jagoan ngagiring bal,” pokna ka wartawan BBC News, Nick Beake. Sihoréng omongan Rizky nepi ka Mahréz.

Langsung dihaminan. Rizky nu keur dirawat di rumah sakit katémbong marahmay. Basa Mahréz ngirim talatah dina vidéo ka Beake.

“Halo Rizky, sing kuat. Mugia sabihara-sabihari deui. Kuring saparakanca di Manchester City ngirim dunga nu panghadéna,” ceuk Mahréz.

Rizky bungah kacida. Paromanna hégar. Lian ti meunang dunga ti Mahréz, ogé baris dikirim kaos Manchester City nu ditandatangan ku Mahréz.

Rizky hayang teu geura cageur. Mun kiriman kaos datang bakal langsung dipaké bari lulumpatan. Gumbira.